做了I.T.的工作差不多八個年頭，搵到食都係靠Internet，I.T.資訊日新月異，學都學唔切，所以我地唔會咁苯係咁日日睇paper睇新聞咁不斷學I.T.野，通常都係用煮到埋來就食的心態，咁當真係煮到埋時點呢？咁哽係唔係去圖書館啦，最快一定係ｏ係Internet搵料解決，但有沒有發覺越來越難找到資料，因為搵到出來的資料實在太多，而且要找到準確無誤的資料就更加難，有很多人只係將manual的資料搬字過字的Post上去，唔係個個都係高手，一望就明，所以我成時都希望有人可以放一些step by step的資料，而且唔洗咁多concept的，最重要係行到run到咁就最fit，我公司成日都有新project，好多時我工作要的資料都要搵好多個site咁夾埋才用到，好煩的，有時急起來邊有時間咁搵，咪只能係一個不齊全的site下面踫下撞下，總覺得那些人放出來的資料都唔照顧下睇的人會唔會明。

 

SysAdmin Playground就是希望從這方面著想，對一些我做過的工作或研究，盡量細致一些show出來，希望造福到一些I.T.新手們（或鳥哥們）。我雖然滿懷大志，但寫出來的東西都未必一定對（起碼在我的環境是run到），我亦不會那麼傻或那麼多時間將那些東西試在不同環境下校對，若有高手想幫助，隨時歡迎回應。